بھاگتے سایوں کے پیچھے تا بہ کے دوڑا کریں

بھاگتے سایوں کے پیچھے تا بہ کے دوڑا کریں

زندگی تو ہی بتا کب تک ترا پیچھا کریں

روئے گل ہو چہرۂ مہتاب ہو یا حسن دوست

ہر چمکتی چیز کو کچھ دور سے دیکھا کریں

بے نیازی خود سراپا التجا بن جائے گی

آپ اپنی داستاں میں حسن تو پیدا کریں

دل کہ تھا خوش فہم آگاہ حقیقت ہو گیا

شکر بھیجیں یا تری بیداد کا شکوہ کریں

مغبچوں سے محتسب تک سیکڑوں دربار ہیں

ایک ساغر کے لیے کس کس کو ہم سجدہ کریں

تشنگی حد سے بڑھی ہے مشغلہ کوئی نہیں

شیشہ و ساغر نہ توڑیں بادہ کش تو کیا کریں

دوسروں پر تبصرہ فرمانے سے پہلے حفیظؔ

اپنے دامن کی طرف بھی اک نظر دیکھا کریں

bhagte sayon ke pichhe ta ba ke daura karen

zindagi tu hi bata kab tak tira pichha karen

ru-e-gul ho chehra-e-mahtab ho ya husn-e-dost

har chamakti chiz ko kuchh dur se dekha karen

be niyazi khud sarapa iltija ban jaegi

ap apni dastan mein husn to paida karen

dil ke tha khush fahm agah-e-haqiqat ho gaya

shukr bhejen ya tiri bedad ka shikwa karen

mughbachon se mohtasib tak saikron darbar hain

ek saghar ke liye kis kis ko ham sajda karen

tishnagi had se barhi hai mashghala koi nahin

shisha-o-saghar na toren bada kash to kya karen

dusron par tabsira farmane se pahle hafiz

apne daman ki taraf bhi ik nazar dekha karen