مجھ میں میری ذات بھی رکھی ہوئی ہے دوست

مجھ میں میری ذات بھی رکھی ہوئی ہے دوست

چھوڑ یہ بات تو اور بھی الجھی ہوئی ہے دوست

ہم لوگوں کو پانی اچھا لگتا ہے

ہم لوگوں نے مٹی پہنی ہوئی ہے دوست

کتنا سج دھج کر محفل میں آیا ہوں

میری وحشت گھر پر رکھی ہوئی ہے دوست

اس تصویر کا لہجہ دیکھ رہا ہے تو

یہ تصویر بھی مجھ سے روٹھی ہوئی دوست

وہ لڑکی جو سب سے زیادہ ہنس رہی ہے

اس کی آنکھیں دیکھ وہ روئی ہوئی ہے دوست

جس بکسے میں تیرے سوٹ رکھے ہیں نا

اس میں میری جینس بھی رکھی ہوئی ہے دوست

mujh mein meri zat bhi rakhi hui hai dost

chhor ye bat to aur bhi uljhi hui hai dost

ham logon ko pani achchha lagta hai

ham logon ne mitti pahni hui hai dost

kitna saj dhaj kar mahfil mein aya hun

meri wahshat ghar par rakhi hui hai dost

is taswir ka lahja dekh raha hai tu

ye taswir bhi mujh se ruthi hui dost

wo larki jo sab se ziyada hans rahi hai

us ki ankhen dekh wo roi hui hai dost

jis bakse mein tere sut rakhe hain na

is mein meri jens bhi rakhi hui hai dost