کسی گماں کسی امکاں کا رخ نہیں کرتی

کسی گماں کسی امکاں کا رخ نہیں کرتی

نگاہ جلوۂ ارزاں کا رخ نہیں کرتی

بسی ہوئی ہے جو آبادیوں میں بربادی

جنوں کی موج بیاباں کا رخ نہیں کرتی

صبا کو فصل بہاراں سے کیا ملا آخر

وہ گل کھلے کہ گلستاں کا رخ نہیں کرتی

حصار وقت میں اپنا وجود ہے محبوس

اسیری اب رہ زنداں کا رخ نہیں کرتی

مرے عزیزوں میں رسوا مری رفاقت ہے

جبھی یہ حلقۂ یاراں کا رخ نہیں کرتی

فضا تو نور صداقت سے جگمگاتی ہے

یہ روشنی دل انساں کا رخ نہیں کرتی

وہ کچھ نہیں کوئی فرسودہ سی روایت ہے

وہ فکر جو نئے عنواں کا رخ نہیں کرتی

ہوا بھی کتنی زمانہ شناس ہے اے لیثؔ

ہر ایک صحن گلستاں کا رخ نہیں کرتی

kisi guman kisi imkan ka rukh nahin karti

nigah jalwa-e-arzan ka rukh nahin karti

basi hui hai jo abadiyon mein barbadi

junun ki mauj bayaban ka rukh nahin karti

saba ko fasl-e-baharan se kya mila akhir

wo gul khule ke gulistan ka rukh nahin karti

hisar-e-waqt mein apna wajud hai mahbus

asiri ab rah zindan ka rukh nahin karti

mire azizon mein ruswa miri rifaqat hai

jabhi ye halqa-e-yaran ka rukh nahin karti

faza to nur-e-sadaqat se jagmagati hai

ye raushni dil-e-insan ka rukh nahin karti

wo kuchh nahin koi farsuda si riwayat hai

wo fikr jo nae unwan ka rukh nahin karti

hawa bhi kitni zamana shanas hai ai les

har ek sehn-e-gulistan ka rukh nahin karti