مسکرا سکتا نہیں آنسو بہا سکتا نہیں

مسکرا سکتا نہیں آنسو بہا سکتا نہیں

زندگی اب میں ترے احساں اٹھا سکتا نہیں

جو شکست آرزو پر مسکرا سکتا نہیں

زندگی کی عظمتوں کا راز پا سکتا نہیں

طالبان رنگ و بو کانٹوں سے دامن کش نہ ہوں

شاخ گل تک یوں کسی کا ہاتھ جا سکتا نہیں

تجھ سے مل کر جانے کیوں ہوتا ہے یہ مجھ کو گماں

تجھ کو کھو سکتا ہوں لیکن تجھ کو پا سکتا نہیں

مطمئن ہوں میں کہ زندہ ہے مری طبع غیور

میری خودداری پہ کوئی حرف آ سکتا نہیں

شمع گریاں کو بھلا کیا عظمت غم کی خبر

کوئی پروانہ کبھی آنسو بہا سکتا نہیں

تجھ سے ملنے کی تمنا ہے کہ تجھ سے رہ کے دور

اعتبار ہستئ موہوم آ سکتا نہیں

لیثؔ میں رکھتا ہوں پہلو میں دل درد آشنا

بھول کر بھی میں کسی کا دل دکھا سکتا نہیں

muskura sakta nahin ansu baha sakta nahin

zindagi ab main tire ehsan utha sakta nahin

jo shikast-e-arzu par muskura sakta nahin

zindagi ki azmaton ka raz pa sakta nahin

taliban-e-rang-o-bu kanton se daman kash na hun

shakh-e-gul tak yun kisi ka hath ja sakta nahin

tujh se mil kar jane kyun hota hai ye mujh ko guman

tujh ko kho sakta hun lekin tujh ko pa sakta nahin

mutmain hun main ke zinda hai miri tab-e-ghayur

meri khuddari pe koi harf a sakta nahin

sham-e-giryan ko bhala kya azmat gham ki khabar

koi parwana kabhi ansu baha sakta nahin

tujh se milne ki tamanna hai ke tujh se rah ke daur

etibar-e-hasti-e-mauhum a sakta nahin

les mein rakhta hun pahlu mein dil-e-dard-e-ashna

bhul kar bhi main kisi ka dil dikha sakta nahin