جو خط ہے شکستہ ہے جو عکس ہے ٹوٹا ہے

جو خط ہے شکستہ ہے جو عکس ہے ٹوٹا ہے

یا حسن ترا جھوٹا یا آئنہ جھوٹا ہے

ہم شکر کریں کس کا شاکی ہوں تو کس کے ہوں

رہزن نے بھی لوٹا ہے رہبر نے بھی لوٹا ہے

یاد آیا ان آنکھوں کا پیمان وفا جب بھی

ساغر مرے ہاتھوں سے بے ساختہ چھوٹا ہے

ہر چہرے پہ لکھا ہے اک قصۂ مظلومی

بے درد زمانے نے ہر شخص کو لوٹا ہے

منزل کی تمنا میں سر گرم سفر ہیں سب

کون اس کے لیے روئے جو راہ میں چھوٹا ہے

اللہ رے حفیظؔ اس کا یہ ذوق خود آرائی

جب زلف سنواری ہے اک آئنہ ٹوٹا ہے

jo khat hai shikasta hai jo aks hai tuta hai

ya husn tira jhuta ya aina jhuta hai

ham shukr karen kis ka shaki hun to kis ke hun

rahzan ne bhi lauta hai rahbar ne bhi lauta hai

yad aya in ankhon ka paiman-e-wafa jab bhi

saghar mire hathon se be sakhta chhota hai

har chehre pe likha hai ik qissa-e-mazlumi

be dard zamane ne har shakhs ko lauta hai

manzil ki tamanna mein sar garm-e-safar hain sab

kaun us ke liye roe jo rah mein chhota hai

allah re hafiz us ka ye zauq-e-khud arai

jab zulf sanwari hai ik aina tuta hai