یہ آرزو ہیں ہم کوئی آرزو کرتے

یہ آرزو ہیں ہم کوئی آرزو کرتے

اسیر خود کو نہ ہم دام رنگ و بو کرتے

عتاب بیں جو ہمارے ہیں نکتہ چیں ہم پر

کہیں جو ملتے تو ہم کھل کے گفتگو کرتے

وہ آئنہ جو کرے حرف گیرئ کردار

جو ہاتھ آئے تو لوگوں کے روبرو کرتے

کہیں سراغ خلوص و وفا اگر ملتا

تو اپنی ذات کو ہم وقف جستجو کرتے

ہم آج اشک بداماں جو ہیں تو رونا کیا

تمام عمر ہی گزری ہے ہا و ہو کرتے

مثال آئنہ رکھتے جو دل میں عکس جمیل

کبھی تباہ نہ شیشے کی آبرو کرتے

خراب ہوتے خرابے میں اور کیا ہوتا

حضور ساقی اگر ہم سبو سبو کرتے

ہمیں بھی کاش جو توفیق ایزدی ہوتی

تو ہم بھی کوثر و تسنیم سے وضو کرتے

یقیں جو ہوتا کہ ہوں گے ہلاک صدق و وفا

تو اہتمام سے مرنے کی آرزو کرتے

ہمیں بھی راس جو آتی شگفتگی دل کی

تو لیثؔ ہم بھی کبھی جرأت نمو کرتے

ye arzu hain ham koi arzu karte

asir-e-khud ko na ham dam rang-o-bu karte

itab bin jo hamare hain nukta chin ham par

kahin jo milte to ham khul ke guftugu karte

wo aina jo kare harf giri-e-kirdar

jo hath ae to logon ke rubaru karte

kahin suragh-e-khulus-o-wafa agar milta

tu apni zat ko ham waqf justuju karte

ham aj ashk badaman jo hain to rona kiya

tamam umr hi guzri hai ha-o-ho karte

misal-e-aina rakhte jo dil mein aks-e-jamil

kabhi tabah na shishe ki abru karte

kharab hote kharabe mein aur kiya hota

huzur saqi agar ham subu subu karte

hamen bhi kash jo taufiq izidi hoti

to ham bhi kausar-o-tasnim se wuzu karte

yaqin jo hota ke honge halak-e-sidq-o-wafa

tu ehtimam se marne ki arzu karte

hamen bhi ras jo ati shaguftagi dil ki

tu les ham bhi kabhi jurat-e-numu karte