بس اسی حد تک جہان رنگ و بو اچھا لگا

بس اسی حد تک جہان رنگ و بو اچھا لگا

اک جوان سرو قد اک خوبرو اچھا لگا

زاہدوں کی روح میں جب جھانک کر دیکھا تو پھر

خرقہ و سجادہ سے اپنا سبو اچھا لگا

گفتگو میں سرد مہری آنکھ میں لطف و کرم

اس کا یہ انداز میرے روبرو اچھا لگا

جب نظر ڈالی کتاب زندگی پر غور سے

اس میں بس اک لمحۂ تیغ و گلو اچھا لگا

اپنی فطرت میں ہے درویشی سو ہم کو مے کشو

ساغر جمشید سے اپنا کدو اچھا لگا

کیا کرے اپنی طبیعت کی کوئی افتاد کو

دوستو وہ دشمن جاں وہ عدو اچھا لگا

جاں نثاروں کی کمی کوئی نہ تھی جابرؔ یہاں

تیغ قاتل کو مگر میرا لہو اچھا لگا

bas isi had tak jahan-e-rang-o-bu achchha laga

ik jawan-e-sarw qad ik khubru achchha laga

zahidon ki ruh mein jab jhank kar dekha to phir

khirqa-o-sajjada se apna subu achchha laga

guftugu mein sard mehri ankh mein lutf-o-karam

us ka ye andaz mere rubaru achchha laga

jab nazar dali kitab-e-zindagi par ghaur se

is mein bas ik lamha-e-tegh-o-galo achchha laga

apni fitrat mein hai darweshi so ham ko mai kasho

saghar jamshed se apna kaddu achchha laga

kya kare apni tabiat ki koi uftad ko

dosto wo dushman-e-jan wo adu achchha laga

jan nisaron ki kami koi na thi jabir yahan

tegh-e-qatil ko magar mera lahu achchha laga