غم دوراں کا مداوا غم جاناں بھی نہیں

غم دوراں کا مداوا غم جاناں بھی نہیں

زیست دشوار نہیں ہے تو کچھ آساں بھی نہیں

عرصۂ دہر سے ہم اہل جنوں کو نسبت

اس کی وسعت بہ حد عالم امکاں بھی نہیں

ہر نفس ایک خلش سی ہے رگ جاں کے قریب

اور نشتر کوئی پیوست رگ جاں بھی نہیں

دیکھیے وقت نے کس کس کے اڑائے پرزے

ان کا دامن بھی نہیں میرا گریباں بھی نہیں

ایک ہی مرد حق آگاہ ہے بندہ یا رب

کہ یہ کافر جو نہیں ہے تو مسلماں بھی نہیں

منزل غم سے گزرنا ہے اور اس پر جابرؔ

دشت وحشت میں کسی شوخ کا داماں بھی نہیں

gham-e-dauran ka mudawa-e-gham-e-janan bhi nahin

zist dushwar nahin hai to kuchh asan bhi nahin

arsa-e-dahr se ham ahl junun ko nisbat

us ki wusat ba had-e-alam-e-imkan bhi nahin

har nafas ek khalish si hai rag-e-jan ke qarib

aur nashtar koi paiwast-e-rag-e-jan bhi nahin

dekhiye waqt ne kis kis ke urae purze

un ka daman bhi nahin mera gareban bhi nahin

ek hi mard-e-haq agah hai banda ya rab

ke ye kafir jo nahin hai to musalman bhi nahin

manzil-e-gham se guzarna hai aur us par jabir

dasht-e-wahshat mein kisi shokh ka daman bhi nahin