سر اٹھانے کی تو ہمت نہیں کرنے والے

سر اٹھانے کی تو ہمت نہیں کرنے والے

یہ جو مردہ ہیں بغاوت نہیں کرنے والے

مفلسی لاکھ سہی ہم میں وہ خودداری ہے

حاکم وقت کی خدمت نہیں کرنے والے

ان سے امید نہ رکھ ہیں یہ سیاست والے

یہ کسی سے بھی محبت نہیں کرنے والے

ہاتھ آندھی سے ملا آئے اسی دور کے لوگ

یہ چراغوں کی حفاظت نہیں کرنے والے

عشق ہم کو یہ نبھانا ہے تو جو رکھ شرطیں

ہم کسی شرط پہ حجت نہیں کرنے والے

پھوڑ کر سر ترے در پر یہیں مر جائیں گے

ہم ترے شہر سے ہجرت نہیں کرنے والے

sar uthane ki to himmat nahin karne wale

ye jo murda hain baghawat nahin karne wale

muflisi lakh sahi ham mein wo khuddari hai

hakim-e-waqt ki khidmat nahin karne wale

un se ummid na rakh hain ye siyasat wale

ye kisi se bhi mohabbat nahin karne wale

hath andhi se mila ae isi daur ke log

ye charaghon ki hifazat nahin karne wale

ishq ham ko ye nibhana hai to jo rakh sharten

ham kisi shart pe hujjat nahin karne wale

phor kar sar tire dar par yahin mar jaenge

ham tire shahr se hijrat nahin karne wale