ترا حسن ہے وہ صہبا کہ کوئی مثال کیا دے
Gauhar Usmani (1924–2004)ترا حسن ہے وہ صہبا کہ کوئی مثال کیا دے
کبھی تشنگی بجھا دے کبھی تشنگی بڑھا دے
یہ جہاں ہے اک تماشہ کوئی دوست ہے نہ دشمن
وہی آگ روشنی دے وہی آشیاں جلا دے
یہ طریق دلبری ہے کہ ادائے دلنوازی
کسی جرم پر نوازے کسی جرم پر سزا دے
ابھی ظلمت خرد میں ہے وفا کی تابناکی
یہ چراغ بجھ نہ جائے کوئی اس کی لو بڑھا دے
یہ قدم قدم پہ ظلمت یہ روش روش اندھیرے
مری بے خودی کہاں ہے مجھے راستہ بتا دے
یہ تصور رہائی رہے کیوں نظر میں گوہرؔ
مجھے قید کرنے والے مرے بال و پر جلا دے
tira husn hai wo sahba ke koi misal kya de
kabhi tishnagi bujha de kabhi tishnagi barha de
ye jahan hai ik tamasha koi dost hai na dushman
wahi ag raushni de wahi ashiyan jala de
ye tariq-e-dilbari hai ke ada-e-dilnawazi
kisi jurm par nawaze kisi jurm par saza de
abhi zulmat-e-khirad mein hai wafa ki tabnaki
ye charagh bujh na jae koi us ki lau barha de
ye qadam qadam pe zulmat ye rawish rawish andhere
miri be khudi kahan hai mujhe rasta bata de
ye tasawwur-e-rihai rahe kyun nazar mein gauhar
mujhe qaid karne wale mire bal-o-par jala de