مدت کی تشنگی کا انعام چاہتا ہوں

مدت کی تشنگی کا انعام چاہتا ہوں

مستی بھری نظر سے اک جام چاہتا ہوں

اے گردش زمانہ زحمت تو ہوگی تجھ کو

کچھ دیر کے لیے میں آرام چاہتا ہوں

کل ہم سے کہہ رہا تھا شہرت طلب زمانہ

تم کام چاہتے ہو میں نام چاہتا ہوں

صبح حیات لے لے اے زلف یار لیکن

میں تجھ سے اس کے بدلے اک شام چاہتا ہوں

باد صبا سے کہہ دو میری طرف بھی آئے

میں بھی حفیظؔ ان کا پیغام چاہتا ہوں

muddat ki tishnagi ka inam chahta hun

masti bhari nazar se ik jam chahta hun

ai gardish-e-zamana zahmat to hogi tujh ko

kuchh der ke liye main aram chahta hun

kal ham se kah raha tha shohrat talab zamana

tum kam chahte ho main nam chahta hun

subh-e-hayat le le ai zulf-e-yar lekin

main tujh se us ke badle ik sham chahta hun

bad-e-saba se kah do meri taraf bhi ae

main bhi hafiz un ka paigham chahta hun