مزاج مستقل دینا شعور معتبر دینا

مزاج مستقل دینا شعور معتبر دینا

جھکا پائے نہ جس کو وقت کا طوفاں وہ سر دینا

مجھے عمر خضر دینا کہ عمر مختصر دینا

مرے افکار لیکن زندۂ جاوید کر دینا

جو اٹھے سمت ماضی وہ نظر میرا نہیں حاصل

پس دیوار مستقبل جو دیکھے وہ نظر دینا

مجاہد جنگ کے میداں کو جائے جس طرح گھر سے

یہ منظر ذہن میں رکھ کر مجھے اذن سفر دینا

اگر اس رزم گاہ دہر میں جینا ہی ہے مجھ کو

تو پھر ان یورشوں میں زندہ رہنے کا ہنر دینا

سوا ہو جائے جس سے عظمت دیدہ وری گوہرؔ

نظر دینا تو یا رب پھر مجھے ایسی نظر دینا

mizaj-e-mustaqil dena shuur-e-motabar dena

jhuka pae na jis ko waqt ka tufan wo sar dena

mujhe umr-e-khizar dena ke umr-e-mukhtasar dena

mire afkar lekin zinda-e-jawed kar dena

jo uthe samt mazi wo nazar mera nahin hasil

pas-e-diwar mustaqbil jo dekhe wo nazar dena

mujahid jang ke maidan ko jae jis tarah ghar se

ye manzar zehn mein rakh kar mujhe izn-e-safar dena

agar is razm gah-e-dahr mein jina hi hai mujh ko

to phir in yurishon mein zinda rahne ka hunar dena

siwa ho jae jis se azmat dida wari gauhar

nazar dena to ya rab phir mujhe aisi nazar dena