حقیقتوں سے کبھی انحراف مت کیجے

حقیقتوں سے کبھی انحراف مت کیجے

قصور جس کا ہو اس کو معاف مت کیجے

کسی بزرگ کے چہرے پہ کچھ نہیں لکھا

ادب تو کیجیے اس کا طواف مت کیجے

خطا ہو آپ کی تو کیجیے اسے تسلیم

خطا نہ ہو تو کبھی اعتراف مت کیجے

معاہدہ ہو تعلق ہو انکساری ہو

کبھی مزاج کے اپنے خلاف مت کیجے

وہ گھر کا راز ہو یا دوستوں کی باتیں ہوں

کسی پہ ان کا کبھی انکشاف مت کیجے

haqiqaton se kabhi inhiraf mat kije

qusur jis ka ho us ko muaf mat kije

kisi buzurg ke chehre pe kuchh nahin likha

adab to kijiye us ka tawaf mat kije

khata ho ap ki to kijiye use taslim

khata na ho to kabhi etiraf mat kije

muahada ho taalluq ho inkisari ho

kabhi mizaj ke apne khilaf mat kije

wo ghar ka raz ho ya doston ki baten hun

kisi pe un ka kabhi inkishaf mat kije