غم دیتے ہیں تو اضطراب نہ دے
Gauhar Usmani (1924–2004)غم دیتے ہیں تو اضطراب نہ دے
زندگی دے مگر عذاب نہ دے
مسکرانے کے ہیں کئی مفہوم
مسکرا کر کوئی جواب نہ دے
اس کی تعبیر کس سے پوچھوں گا
میری آنکھوں کو کوئی خواب نہ دے
خود شناسی مٹائے دیتا ہے
عیش اتنا بھی بے حساب نہ دے
مجھ کو جو چاہے دے سزا لیکن
مصلحت کی کوئی نقاب نہ دے
تیری ضد ہے یہی اگر ساقی
زہر دے دے مگر شراب نہ دے
gham dete hain to iztirab na de
zindagi de magar azab na de
muskurane ke hain kai mafhum
muskura kar koi jawab na de
us ki taabir kis se puchhunga
meri ankhon ko koi khwab na de
khud shanasi mitae deta hai
aish itna bhi be hisab na de
mujh ko jo chahe de saza lekin
maslahat ki koi naqab na de
teri zid hai yahi agar saqi
zahr de de magar sharab na de