تیری تصویر کو دھندلا نہیں ہونے دیں گے

تیری تصویر کو دھندلا نہیں ہونے دیں گے

زندگی ہم تجھے رسوا نہیں ہونے دیں گے

سر پہ ہر لمحہ رہیں گے ترے آنچل کی طرح

تو غزل ہے تجھے تنہا نہیں ہونے دیں گے

جن مکانوں سے ہے منسوب خدا کی عظمت

ان مکانوں میں اندھیرا نہیں ہونے دیں گے

جان جاتی ہے چلی جائے بلا سے لیکن

ہم محبت کو تماشا نہیں ہونے دیں گے

جن کو سائے میں گناہوں کو پناہیں مل جائیں

ان فصیلوں کو اب اونچا نہیں ہونے دیں گے

پار کر لے جو قناعت کی حدوں کو گوہرؔ

اتنا دامن کو کشادہ نہیں ہونے دیں گے

teri taswir ko dhundla nahin hone denge

zindagi ham tujhe ruswa nahin hone denge

sar pe har lamha rahenge tire anchal ki tarah

tu ghazal hai tujhe tanha nahin hone denge

jin makanon se hai mansub khuda ki azmat

in makanon mein andhera nahin hone denge

jan jati hai chali jae bala se lekin

ham mohabbat ko tamasha nahin hone denge

jin ko sae mein gunahon ko panahain mil jaen

in fasilon ko ab uncha nahin hone denge

par kar le jo qanaat ki hadon ko gauhar

itna daman ko kushada nahin hone denge