خزاں کا ذکر نہ ذکر بہار کرتے رہے

خزاں کا ذکر نہ ذکر بہار کرتے رہے

تجھی کو تیری نگاہوں سے پیار کرتے رہے

متاع درد کہ بڑھتی رہی نہ جانے کیوں

علاج درد مرے غم گسار کرتے رہے

دیار حسن کے جلوے تھے خوب تر لیکن

مری نظر کے لیے انتظار کرتے رہے

مجھے تو رقص مصائب بھی راس آ نہ سکے

وہ بزم ہائے سرود و ستار کرتے رہے

کبھی یقین محبت نہ تھا نہ ہے لیکن

فریب خوردہ ترا اعتبار کرتے رہے

khizan ka zikr na zikr-e-bahar karte rahe

tujhi ko teri nigahon se pyar karte rahe

mata-e-dard ke barhti rahi na jane kyun

ilaj-e-dard mire gham gusar karte rahe

dayar-e-husn ke jalwe the khub tar lekin

miri nazar ke liye intizar karte rahe

mujhe to raqs-e-masaib bhi ras a na sake

wo bazm ha-e-surud-o-sitar karte rahe

kabhi yaqin-e-mohabbat na tha na hai lekin

fareb-e-khurda tira etibar karte rahe