وہ تیرے غم کو پہچانے نہیں ہیں

وہ تیرے غم کو پہچانے نہیں ہیں

ابھی اپنوں میں بیگانے نہیں ہیں

ہزاروں محفلیں ایسی ہیں جن میں

ہمارے غم کے افسانے نہیں ہیں

جو بھر جائیں وہ پیمانے ہی سمجھو

جو خالی ہیں وہ پیمانے نہیں ہیں

ترے کوچے کی رونق ہے ہمیں سے

ترے کوچے میں دیوانے نہیں ہیں

ذرا بن ٹھن تو لے اے زندگانی

برائے حسن ویرانے نہیں ہیں

جہان دل ربائی اللہ اللہ

جہاں تم ہو تو فرزانے نہیں ہیں

وہاں ہی تلخیاں پیتا رہا ہوں

جہاں اے دورؔ میخانے نہیں ہیں

wo tere gham ko pahchane nahin hain

abhi apnon mein begane nahin hain

hazaron mahfilen aisi hain jin mein

hamare gham ke afsane nahin hain

jo bhar jaen wo paimane hi samjho

jo khali hain wo paimane nahin hain

tire kuche ki raunaq hai hamen se

tire kuche mein diwane nahin hain

zara ban than to le ai zindagani

bara-e-husn wirane nahin hain

jahan-e-dil rabai allah allah

jahan tum ho to farzane nahin hain

wahan hi talkhiyan pita raha hun

jahan ai dur maikhane nahin hain