ناز و غمزہ نما کلام آئے

ناز و غمزہ نما کلام آئے

تیرے نامے تھے میرے نام آئے

ہم کسے ہم سفر کہیں کہ یہاں

جتنے ساتھ آئے چند گام آئے

جانے کیا بات ہے کہ تیرے حضور

لب پہ ہر بات ناتمام آئے

ہائے تجھ بن تجھے خبر ہی نہیں

کتنے بے کیف صبح و شام آئے

ایک تیرے خلوص دل کے سوا

ہم کہیں سے نہ تشنہ کام آئے

اب ٹھہرتی نہیں کہیں بھی نظر

دے دعا کوئی یا سلام آئے

دورؔ کیا کفر ہے کہ اب لب پر

اللہ اللہ نہ رام رام آئے

naz-o-ghamza numa kalam ae

tere name the mere nam ae

ham kise ham safar kahin ke yahan

jitne sath ae chand gam ae

jane kya bat hai ke tere huzur

lab pe har bat natamam ae

hae tujh bin tujhe khabar hi nahin

kitne be kaif subh-o-sham ae

ek tere khulus-e-dil ke siwa

ham kahin se na tishna kam ae

ab thaharti nahin kahin bhi nazar

de dua koi ya salam ae

dur kya kufr hai ke ab lab par

allah allah na ram ram ae