جہاں ان کو ان کے اشاروں کو دیکھا

جہاں ان کو ان کے اشاروں کو دیکھا

وہیں دل کی سازش کے ماروں کو دیکھا

میں کچھ بے تکی باتیں باتیں سنا دوں

تڑپتے ہوئے آبشاروں کو دیکھا

ستارے بھی سونے لگے وہ نہ آئے

خلاف تمنا سہاروں کو دیکھا

بھنور کے فسانے سناتا رہا ہوں

نہ ساحل کو دیکھا نہ دھاروں کو دیکھا

جہاں خود کو دیکھا خزاں ہی خزاں ہے

جہاں ان کو دیکھا بہاروں کو دیکھا

کیا احتجاج اس زمانے نے اس کا

کسی دھن میں جب بے قراروں کو دیکھا

یہ چھپ چھپ کے یکجا پئیں دورؔ و زاہد

کسی نے بھی ان شاہکاروں کو دیکھا

jahan un ko un ke isharon ko dekha

wahin dil ki sazish ke maron ko dekha

main kuchh be taki baten baten suna dun

tarapte hue absharon ko dekha

sitare bhi sone lage wo na ae

khilaf-e-tamanna saharon ko dekha

bhanwar ke fasane sunata raha hun

na sahil ko dekha na dharon ko dekha

jahan khud ko dekha khizan hi khizan hai

jahan un ko dekha baharon ko dekha

kiya ehtijaj is zamane ne us ka

kisi dhun mein jab be qararon ko dekha

ye chhup chhup ke yakja piyen dur-o-zahid

kisi ne bhi in shahkaron ko dekha