میری تباہیوں پہ کوئی مسکرا دیا

میری تباہیوں پہ کوئی مسکرا دیا

گویا کسی نے کچھ تو مجھے آسرا دیا

سارے جہاں پہ مجھ کو نہیں دسترس مگر

سارے جہاں کو کس نے مرا دل بنا دیا

اے جان جاں کہ یاد تری آ کے رہ گئی

جیسے کسی نے نغمہ کہیں گنگنا دیا

لہروں کی لے پہ گیت ترا گاؤں آ بھی جا

آنکھوں نے تیری یاد میں دریا بہا دیا

پہلی سی وہ حکایت شام و سحر نہیں

شاید کسی نے دورؔ تجھے کچھ بھلا دیا

meri tabahiyon pe koi muskura diya

goya kisi ne kuchh to mujhe asra diya

sare jahan pe mujh ko nahin dastaras magar

sare jahan ko kis ne mira dil bana diya

ai jan-e-jan ke yad tiri a ke rah gai

jaise kisi ne naghma kahin gunguna diya

lahron ki le pe git tira gaon a bhi ja

ankhon ne teri yad mein dariya baha diya

pahli si wo hikayat-e-sham-o-sahar nahin

shayad kisi ne dur tujhe kuchh bhula diya