میں نے چاہت کے گیت گائے تھے

میں نے چاہت کے گیت گائے تھے

سننے والے مگر پرائے تھے

عمر بھر کو خوشی کا روگ لگا

ایک دو دن کو مسکرائے تھے

راحتیں ہی نہ کر سکے حاصل

راحتوں کے محل بنائے تھے

میرے خوابوں کی روشنی میں کبھی

ان لبوں پر لبوں کے سائے تھے

کس نے کھینچیں جفا کی تلواریں

کس نے ارماں کے خوں بہائے تھے

بہہ رہی ہیں نشاط کی ندیاں

کیا اشارے تھے کیا کنائے تھے

میں نے چاہت کے آسماں پر دوست

چاند تاروں کے دف بجائے تھے

ہائے وہ دن جو تیرے ساتھ گئے

نغمہ و نور میں نہائے تھے

main ne chahat ke git gae the

sunne wale magar parae the

umr bhar ko khushi ka rog laga

ek do din ko muskurae the

rahaten hi na kar sake hasil

rahaton ke mahal banae the

mere khwabon ki raushni mein kabhi

un labon par labon ke sae the

kis ne khinchen jafa ki talwaren

kis ne arman ke khun bahae the

bah rahi hain nishat ki nadiyan

kya ishare the kya kannae the

main ne chahat ke asman par dost

chand taron ke daf bajae the

hae wo din jo tere sath gae

naghma-o-nur mein nahae the