غم دل کو بدل جانے کی ضد ہے

غم دل کو بدل جانے کی ضد ہے

مگر خوشیوں کو ٹل جانے کی ضد ہے

بگڑتی جا رہی ہے میری دنیا

مگر مجھ کو سنبھل جانے کی ضد ہے

ہر اک طوفاں کو پیچھے چھوڑ آؤں

حوادث سے نکل جانے کی ضد ہے

مری فطرت بدل جائے تو کیسے

تری باتوں کو کھل جانے کی ضد ہے

ترے زانو پہ میرا سر ہے لیکن

مقدر کو مچل جانے کی ضد ہے

مرے جذبات کو تسکین دینا

سمندر کو ابل جانے کی ضد ہے

خلاف زور فطرت دورؔ بہتر

مگر فکروں کو پل جانے کی ضد ہے

gham-e-dil ko badal jane ki zid hai

magar khushiyon ko tal jane ki zid hai

bigarti ja rahi hai meri duniya

magar mujh ko sambhal jane ki zid hai

har ik tufan ko pichhe chhor aun

hawadis se nikal jane ki zid hai

miri fitrat badal jae to kaise

tiri baton ko khul jane ki zid hai

tire zanu pe mera sar hai lekin

muqaddar ko machal jane ki zid hai

mire jazbat ko taskin dena

samundar ko ubal jane ki zid hai

khilaf-e-zor fitrat dur behtar

magar fikron ko pal jane ki zid hai