جب تصور میں کسی کو پاس پا لیتا ہوں میں

جب تصور میں کسی کو پاس پا لیتا ہوں میں

اک نرالے کیف کو دل میں بسا لیتا ہوں میں

جب بھی یاد آتی ہیں تیرے گیسوؤں کی راحتیں

رات کی تاریکیوں میں مسکرا لیتا ہوں میں

چاہتا ہوں جب کہ تیری یاد کو روشن کروں

غم کی وادی میں نئی شمعیں جلا لیتا ہوں میں

راہ میں سوکھا ہوا پتہ بھی ملتا ہے اگر

اس پریشاں حال کو ساتھی بنا لیتا ہوں میں

سوچتا ہوں کتنا غم اندوز ہے تیرا خیال

پھر اسی سے اک نیا جادو جگا لیتا ہوں میں

jab tasawwur mein kisi ko pas pa leta hun main

ik nirale kaif ko dil mein basa leta hun main

jab bhi yad ati hain tere gesuon ki rahaten

rat ki tarikiyon mein muskura leta hun main

chahta hun jab ke teri yad ko raushan karun

gham ki wadi mein nai shamen jala leta hun main

rah mein sukha hua pata bhi milta hai agar

is pareshan hal ko sathi bana leta hun main

sochta hun kitna gham andoz hai tera khayal

phir usi se ik naya jadu jaga leta hun main