ستم کا خوف نہیں ہے الم کی بات نہیں

ستم کا خوف نہیں ہے الم کی بات نہیں

رہ طلب میں کسی پیچ و خم کی بات نہیں

وصال یار کی امید بھی عجب شے ہے

ہزار غم ہیں مگر پھر بھی غم کی بات نہیں

چلو کہ مل کے مداوائے غم کریں ہم لوگ

ہے سب کو ایک ہی غم بیش و کم کی بات نہیں

تمہاری زلف ہے ممکن ہے خود سنور جائے

تمہاری زلف میں کچھ پیچ و خم کی بات نہیں

ستم گروں پہ ان اشکوں کا کیا اثر ہوگا

حیات جہد ہے کچھ چشم نم کی بات نہیں

sitam ka khauf nahin hai alam ki bat nahin

rah-e-talab mein kisi pech-o-kham ki bat nahin

wisal-e-yar ki ummid bhi ajab shai hai

hazar gham hain magar phir bhi gham ki bat nahin

chalo ke mil ke mudawa-e-gham karen ham log

hai sab ko ek hi gham besh-o-kam ki bat nahin

tumhari zulf hai mumkin hai khud sanwar jae

tumhari zulf mein kuchh pech-o-kham ki bat nahin

sitam garon pe in ashkon ka kya asar hoga

hayat jahd hai kuchh chashm-e-nam ki bat nahin