آ کے ساحل کے قریں جاتا ہوں ساحل سے پرے

آ کے ساحل کے قریں جاتا ہوں ساحل سے پرے

آ کے منزل پر چلا جاتا ہوں منزل سے پرے

اپنی منزل پر پہنچ کر سوچنے لگتا ہوں میں

اف رے وہ منظر سہانا ہے جو منزل سے پرے

دیکھ وہ لہروں کا منظر دیکھ وہ طوفاں کا کھیل

دیکھ اے ساحل‌ نشیں کیا شے ہے ساحل سے پرے

رات دن دیتی ہی رہتی ہے ترے جلوؤں کا لطف

وہ جو اک تصویر رکھی ہے کہیں دل سے پرے

دیکھ اے شوق نظر نظارہ ہائے دل فریب

پردہ ہائے جرأت آموز اس کے محمل سے پرے

a ke sahil ke qarin jata hun sahil se pare

a ke manzil par chala jata hun manzil se pare

apni manzil par pahunch kar sochne lagta hun main

uf re wo manzar suhana hai jo manzil se pare

dekh wo lahron ka manzar dekh wo tufan ka khel

dekh ai sahil nashin kya shai hai sahil se pare

rat din deti hi rahti hai tire jalwon ka lutf

wo jo ik taswir rakhi hai kahin dil se pare

dekh ai shauq-e-nazar nazzara ha-e-dil fareb

parda ha-e-jurat amoz us ke mahmil se pare