تمام وقت تمہیں سے کلام کرتے ہیں

تمام وقت تمہیں سے کلام کرتے ہیں

شب فراق کا یوں اہتمام کرتے ہیں

سجائے رکھتے ہیں ہر وقت ہم نئے دن رات

تمہارے واسطے یہ التزام کرتے ہیں

خیال یار سے کرتے ہیں صبح کا آغاز

امید یار کے سائے میں شام کرتے ہیں

کہاں مٹے ہیں کسی سے نقوش اہل شوق

جو نا سمجھ ہیں وہ یہ سعیٔ خام کرتے ہیں

چھپا کے رکھے ہیں ساقی نے ساغر و مینا

اسی سبب تو فغاں تشنہ کام کرتے ہیں

یہ بے سبب تو نہیں اتنے شہرۂ آفاق

تمہارے نام سے ہم اپنا نام کرتے ہیں

غم حیات سے آداب زندگی سیکھے

غم حیات کا ہم احترام کرتے ہیں

tamam waqt tumhen se kalam karte hain

shab-e-firaq ka yun ehtimam karte hain

sajae rakhte hain har waqt ham nae din rat

tumhare waste ye iltizam karte hain

khayal-e-yar se karte hain subh ka aghaz

umid yar ke sae mein sham karte hain

kahan mite hain kisi se nuqush-e-ahl-e-shauq

jo na samajh hain wo ye sai-e-kham karte hain

chhupa ke rakhe hain saqi ne saghar-o-mina

isi sabab to fughan tishna kam karte hain

ye be sabab to nahin itne shohra-e-afaq

tumhare nam se ham apna nam karte hain

gham-e-hayat se adab-e-zindagi sikhe

gham-e-hayat ka ham ehtiram karte hain