دن کٹھن جیسے ہے ستاروں پر

دن کٹھن جیسے ہے ستاروں پر

رات بھاری ہے بے قراروں پر

تجھ کو معلوم کیوں نہیں پڑتا

کیا گزرتی ہے سوگواروں پر

کر لے تسخیر تو زمیں اپنی

ہے نظر میری چاند تاروں پر

ناچتا ہے جو ناچے جی بھر کے

میں نہیں ناچتا اشاروں پر

جس کو جلوہ ترا میسر ہو

کیوں نظر ڈالے وہ نظاروں پر

جن کو سمجھا تھا نا خدا میں نے

وہ کھڑے رہ گئے کناروں پر

فیضؔ کوئی نہیں ملا کرتا

عشق چلتا ہے بس خساروں پر

din kathin jaise hai sitaron par

rat bhari hai be qararon par

tujh ko maalum kyun nahin parta

kya guzarti hai sogwaron par

kar le taskhir to zamin apni

hai nazar meri chand taron par

nachta hai jo nache ji bhar ke

main nahin nachta isharon par

jis ko jalwa tira muyassar ho

kyun nazar dale wo nazaron par

jin ko samjha tha na khuda main ne

wo khare rah gae kinaron par

faiz koi nahin mila karta

ishq chalta hai bas khasaron par