تڑپتا میں رہوں فرقت میں تیری دل نشیں کب تک

تڑپتا میں رہوں فرقت میں تیری دل نشیں کب تک

مری آنکھیں نہ دیکھیں گی ترا چہرہ حسیں کب تک

یہ دل اور جان بھی قربان تجھ پر کر دیا میں نے

رہے گی تیرے بن سونی مرے دل کی زمیں کب تک

چلا آ اب نہ مجھ کو ایسے تڑپا اے مرے ہمدم

گزاروں زندگی تنہا ترے بن اب یہیں کب تک

سبھی الجھے پڑے ہیں خود ہی اپنے سب سوالوں میں

جہاں کے عیب ہی دیکھا کریں گے نکتہ چیں کب تک

لگائے آس بیٹھا ہے تو کب سے راہ میں اس کی

بتا دے آئے گی وہ فیضؔ تیری مہ جبیں کب تک

tarapta main rahun furqat mein teri dil nashin kab tak

miri ankhen na dekhengi tira chehra hasin kab tak

ye dil aur jan bhi qurban tujh par kar diya main ne

rahegi tere bin suni mire dil ki zamin kab tak

chala a ab na mujh ko aise tarpa ai mire hamdam

guzarun zindagi tanha tire bin ab yahin kab tak

sabhi uljhe pare hain khud hi apne sab sawalon mein

jahan ke aib hi dekha karenge nukta chin kab tak

lagae as baitha hai to kab se rah mein us ki

bata de aegi wo faiz teri mah jabin kab tak