حسن والے بزم میں انکار ہی کرتے رہے

حسن والے بزم میں انکار ہی کرتے رہے

عشق والے عشق کا اظہار ہی کرتے رہے

جینا مرنا اپنا ہم دشوار ہی کرتے رہے

ان کی ہر اک بات کا اقرار ہی کرتے رہے

ہم کو دیکھو ہم انہیں پر ہو گئے دل سے فدا

جو ہماری ذات کو مسمار ہی کرتے رہے

تیرے دل میں کون ہے یہ تو کبھی پوچھا نہیں

جان جاں ہم تو ترا دیدار ہی کرتے رہے

ہم سدا چنتے رہے سب خار جن کی راہ سے

وہ ہماری راہ کو پر خار ہی کرتے رہے

میرے اپنوں نے کیا ہے مجھ پہ یہ کیسا ستم

وہ مجھے اس پار سے اس پار ہی کرتے رہے

کوئی بھی ان کے مرض کی لا نہیں پایا دوا

وہ تو چارہ گر کو بھی بیمار ہی کرتے رہے

چند لمحے بھی سکوں کے مل نہ پائے ان کے ساتھ

فیضؔ کو وہ درد سے دو چار ہی کرتے رہے

husn wale bazm mein inkar hi karte rahe

ishq wale ishq ka izhar hi karte rahe

jina marna apna ham dushwar hi karte rahe

un ki har ik bat ka iqrar hi karte rahe

ham ko dekho ham unhen par ho gae dil se fida

jo hamari zat ko mismar hi karte rahe

tere dil mein kaun hai ye to kabhi puchha nahin

jan-e-jan ham to tira didar hi karte rahe

ham sada chunte rahe sab khar jin ki rah se

wo hamari rah ko pur khar hi karte rahe

mere apnon ne kiya hai mujh pe ye kaisa sitam

wo mujhe us par se us par hi karte rahe

koi bhi un ke maraz ki la nahin paya dawa

wo to chara gar ko bhi bimar hi karte rahe

chand lamhe bhi sakun ke mil na pae un ke sath

faiz ko wo dard se do char hi karte rahe