تماشا خود کو جو ہم سوئے دار کرتے ہیں

تماشا خود کو جو ہم سوئے دار کرتے ہیں

جو شادماں ہیں انہیں سوگوار کرتے ہیں

وہ ہم کو چھوڑ گیا ہے پرند کی مانند

درخت بن کے سو ہم انتظار کرتے ہیں

بھلا سکے نہیں ہم تجھ کو ایک بھی لمحہ

مگر بھلانے کی کوشش ہزار کرتے ہیں

کبھی یہ سوچا ہے تو نے کہ ہم سے دیوانے

کسی کے عشق میں کیوں جاں نثار کرتے ہیں

یقین کیجے نہ کیجے یہ آپ کی مرضی

مرے چراغ ہوا کا شکار کرتے ہیں

جو پوچھتے ہیں کہ کرتے ہیں کتنا پیار ان سے

شمار کیسے ہو جب بے شمار کرتے ہیں

وہ فیضؔ کرتے ہیں وعدہ ہر ایک ہی جھوٹا

خطا ہماری جو ہم اعتبار کرتے ہیں

tamasha khud ko jo ham su-e-dar karte hain

jo shadman hain unhen sogwar karte hain

wo ham ko chhor gaya hai parind ki manind

darakht ban ke so ham intizar karte hain

bhula sake nahin ham tujh ko ek bhi lamha

magar bhulane ki koshish hazar karte hain

kabhi ye socha hai tu ne ke ham se diwane

kisi ke ishq mein kyun jan nisar karte hain

yaqin kije na kije ye ap ki marzi

mire charagh hawa ka shikar karte hain

jo puchhte hain ke karte hain kitna pyar un se

shumar kaise ho jab be shumar karte hain

wo faiz karte hain waada har ek hi jhuta

khata hamari jo ham etibar karte hain