اپنی دنیا بسا رہا ہوں میں

اپنی دنیا بسا رہا ہوں میں

جا تجھے اب بھلا رہا ہوں میں

آج کی شب بڑی قیامت ہے

واقعی سونے جا رہا ہوں میں

ہاں محبت کبھی نہیں مٹتی

خود کو لیکن مٹا رہا ہوں میں

اس کی خوشیوں کے واسطے لوگو

بار غم بھی اٹھا رہا ہوں میں

یا خدا سن لے التجا میری

در ترا کھٹکھٹا رہا ہوں میں

یہ دھواں بے سبب نہیں اٹھتا

اپنا سینہ جلا رہا ہوں میں

فیضؔ اردو ادب کی دنیا میں

اپنا جلوہ دکھا رہا ہوں میں

apni duniya basa raha hun main

ja tujhe ab bhala raha hun main

aj ki shab bari qayamat hai

waqai sone ja raha hun main

han mohabbat kabhi nahin mitti

khud ko lekin mita raha hun main

us ki khushiyon ke waste logo

bar-e-gham bhi utha raha hun main

ya khuda sun le iltija meri

dar tira khatkhata raha hun main

ye dhuan be sabab nahin uthta

apna sina jala raha hun main

faiz urdu adab ki duniya mein

apna jalwa dikha raha hun main