ہم نے خود اپنی محبت کا گلا گھونٹ دیا

ہم نے خود اپنی محبت کا گلا گھونٹ دیا

دل سے اٹھتی ہوئی چاہت کا گلا گھونٹ دیا

جو تھی سچائی وہ ظاہر ہی نہیں ہو پائی

اک فسانے نے حقیقت کا گلا گھونٹ دیا

حق بیانی کے لئے جب وہ ہوا محو کلام

اک سخنور نے سیاست کا گلا گھونٹ دیا

بس یہاں دینا تھا پیغام محبت لیکن

کس قدر سب نے روایت کا گلا گھونٹ دیا

کامیابی بھی قدم اس کے ہی چومے گی یہاں

جس نے خود اپنی ضرورت کا گلا گھونٹ دیا

خانۂ دل میں سدا جس کو بسایا میں نے

اس نے ہی میری مسرت کا گلا گھونٹ دیا

دل کا ہر درد تھا سرمایۂ ہستی لیکن

فیضؔ نے اپنی ہی الفت کا گلا گھونٹ دیا

ham ne khud apni mohabbat ka gila ghunt diya

dil se uthti hui chahat ka gila ghunt diya

jo thi sachchai wo zahir hi nahin ho pai

ik fasane ne haqiqat ka gila ghunt diya

haq bayani ke liye jab wo hua mahw-e-kalam

ik sukhanwar ne siyasat ka gila ghunt diya

bas yahan dena tha paigham-e-mohabbat lekin

kis qadar sab ne riwayat ka gila ghunt diya

kamyabi bhi qadam us ke hi chumegi yahan

jis ne khud apni zarurat ka gila ghunt diya

khana-e-dil mein sada jis ko basaya main ne

us ne hi meri masarrat ka gila ghunt diya

dil ka har dard tha sarmaya-e-hasti lekin

faiz ne apni hi ulfat ka gila ghunt diya