جانے شب فراق میں کیا یاد آ گیا

جانے شب فراق میں کیا یاد آ گیا

دل یوں تڑپ اٹھا کہ خدا یاد آ گیا

باد صبا کی چھیڑ سے شرمائے پھول جب

چہرے کا اس کے رنگ حیا یاد آ گیا

آئی شب فراق جو مہکی ہوئی صبا

اس وقت قرب زلف دوتا یاد آ گیا

اک بے وفا سے ترک تعلق نہ کر سکے

ہر بار ہم کو عہد وفا یاد آ گیا

کیوں اشک مرنے والوں کی آنکھوں میں آ گئے

کیا لطف زیست وقت قضا یاد آ گیا

چھیڑا ہے جب کسی نے کسی بے وفا کا ذکر

ہم کو کسی کا عہد وفا یاد آ گیا

دشت جنوں میں پیروں سے خوں رستا دیکھ کر

ہاتھوں کا اس کے رنگ حنا یاد آ گیا

جب بھی چمن میں پھول کھلائے بہار نے

اس کج ادا کا حسن قبا یاد آ گیا

انجام عشق نے جو ستایا کبھی ظفرؔ

آغاز عشق کا بھی مزہ یاد آ گیا

jane shab-e-firaq mein kya yad a gaya

dil yun tarap utha ke khuda yad a gaya

bad-e-saba ki chher se sharmae phul jab

chehre ka us ke rang-e-haya yad a gaya

ai shab-e-firaq jo mahki hui saba

is waqt-e-qurb-e-zulf-e-duta yad a gaya

ik be wafa se tark-e-taalluq na kar sake

har bar ham ko ahd-e-wafa yad a gaya

kyun ashk marne walon ki ankhon mein a gae

kya lutf-e-zist waqt-e-qaza yad a gaya

chhera hai jab kisi ne kisi be wafa ka zikr

ham ko kisi ka ahd-e-wafa yad a gaya

dasht-e-junun mein pairon se khun rasta dekh kar

hathon ka us ke rang-e-hina yad a gaya

jab bhi chaman mein phul khilae bahar ne

is kaj ada ka husn qaba yad a gaya

anjam ishq ne jo sataya kabhi zafar

aghaz-e-ishq ka bhi maza yad a gaya