کتنا ظالم مری چاہت کا مقدر نکلا

کتنا ظالم مری چاہت کا مقدر نکلا

میں جسے آئنہ سمجھا تھا وہ پتھر نکلا

سیج پھولوں کی سمجھتا تھا ترے ساتھ جسے

تیری فرقت میں وہ کانٹوں بھرا بستر نکلا

یاد جاناں میں لگی دھوپ بھی سائے کی طرح

یاد جاناں میں کبھی گھر سے جو باہر نکلا

ہیں حسیں اور بھی لیکن جسے چاہا میں نے

میری نظروں میں وہ ہر ایک سے بڑھ کر نکلا

جو کہ دوزخ تھی وہ جنت نظر آئی دنیا

جب بھی مے خانے سے باہر کبھی پی کر نکلا

عشق لیلیٰ کے سبب ہو گیا کتنا مشہور

قیس بھی کتنا مقدر کا سکندر نکلا

ناز تھا مجھ کو بہت اپنی انا پر لیکن

خود کو جب پرکھا تو میں اوروں سے کمتر نکلا

دور سے مجھ کو سمندر بھی لگا مثل سراب

پاس سے دیکھا تو قطرہ بھی سمندر نکلا

کون خوش بخت زمانے سے اٹا ہے یارو

تذکرہ کس کی اجل کا ہے جو گھر گھر نکلا

چشم بینا سے ظفرؔ دیکھا تو محسوس ہوا

یعنی ہر ذرہ بھی خورشید کا پیکر نکلا

kitna zalim miri chahat ka muqaddar nikla

main jise aina samjha tha wo patthar nikla

sej phulon ki samajhta tha tire sath jise

teri furqat mein wo kanton bhara bistar nikla

yad janan mein lagi dhup bhi sae ki tarah

yad janan mein kabhi ghar se jo bahar nikla

hain hasin aur bhi lekin jise chaha main ne

meri nazron mein wo har ek se barh kar nikla

jo ke dozakh thi wo jannat nazar ai duniya

jab bhi mai khane se bahar kabhi pi kar nikla

ishq laila ke sabab ho gaya kitna mashhur

qais bhi kitna muqaddar ka sikandar nikla

naz tha mujh ko bahut apni ana par lekin

khud ko jab parkha to main auron se kamtar nikla

dur se mujh ko samundar bhi laga misl-e-sarab

pas se dekha to qatra bhi samundar nikla

kaun khush bakht zamane se ata hai yaro

tazkira kis ki ajal ka hai jo ghar ghar nikla

chashm-e-bina se zafar dekha to mahsus hua

yaani har zarra bhi khurshid ka paikar nikla