اس تیرہ سرزمیں سے مثال قمر چلو

اس تیرہ سرزمیں سے مثال قمر چلو

دیکھو فراز نور و نشیب سفر چلو

بانہیں اٹھائے یاد کوئی دل نواز یاد

تم کو پکارتی ہے سر رہ گزر چلو

دیکھو وہ کربلائے تمنا ہے اس طرف

صحرا لہو لہو ہے چلو بے خطر چلو

آنکھوں میں آرزو کے جلاتے رہو چراغ

تاریکیوں سے نور اگاؤ مگر چلو

کہرام خواہشوں کا بپا ہے قدم قدم

اپنی متاع درد لیے سوچ کر چلو

ہر منظر حیات یہاں ہے شفق شفق

رنگ حنا سے تم نہ بچا کر نظر چلو

شائستۂ بہار ہے ہر منظر خزاں

نغموں کا شامیانہ سجے نغمہ گر چلو

میں شوق نا تمام ہوں اک حسن ناتمام

میرے لیے کرو نہ کبھی آنکھ تر چلو

is tira sarzamin se misal-e-qamar chalo

dekho faraz nur-o-nasheb-e-safar chalo

banhen uthae yad koi dil nawaz yad

tum ko pukarti hai sar-e-rah guzar chalo

dekho wo karbala-e-tamanna hai is taraf

sahra lahu lahu hai chalo be khatar chalo

ankhon mein arzu ke jalate raho charagh

tarikiyon se nur ugao magar chalo

kohram khwahishon ka bapa hai qadam qadam

apni mata-e-dard liye soch kar chalo

har manzar-e-hayat yahan hai shafaq shafaq

rang-e-hina se tum na bacha kar nazar chalo

shaista-e-bahar hai har manzar-e-khizan

naghmon ka shamyana saje naghma gar chalo

main shauq na tamam hun ik husn-e-natamam

mere liye karo na kabhi ankh tar chalo