اندیشوں کے شہر میں رہنا تیری میری عادت ہے

اندیشوں کے شہر میں رہنا تیری میری عادت ہے

محرومی کے صدمے سہنا تیری میری عادت ہے

ارمانوں کی نازک مالائیں پہنانا شاموں کو

یاد پون کے ساتھ ہی بہنا تیری میری عادت ہے

خوب سلگتے جانا برفیلے لمحوں کے سایوں میں

دکھ کا ایک بھی لفظ نہ کہنا تیری میری عادت ہے

خوابوں سے بہلانا دل کو ہو جانا بے حد مسرور

لوگوں کی تعبیریں سہنا تیری میری عادت ہے

صبح ارادے دن تدبیریں شام خلش اور شب تشویش

ہر حالت میں زندہ رہنا تیری میری عادت ہے

قرب قیصرؔ بے بس ہونا دوری کا سہہ لینا روگ

جینے کی روداد نہ کہنا تیری میری عادت ہے

andeshon ke shahr mein rahna teri meri adat hai

mahrumi ke sadme sahna teri meri adat hai

armanon ki nazuk malaen pahnana shamon ko

yad pawan ke sath hi bahna teri meri adat hai

khub sulagte jana barfile lamhon ke sayon mein

dukh ka ek bhi lafz na kahna teri meri adat hai

khwabon se bahlana dil ko ho jana be had masrur

logon ki taabiren sahna teri meri adat hai

subh irade din tadbiren sham khalish aur shab tashwish

har halat mein zinda rahna teri meri adat hai

qurb qaisar be bas hona duri ka sah lena rog

jine ki rudad na kahna teri meri adat hai