جو بھی حق پر ہو وہی دار و رسن تک پہنچے

جو بھی حق پر ہو وہی دار و رسن تک پہنچے

آدمی آج کا یوں رسم کہن تک پہنچے

بات ہو گل کی جہاں اس کے لبوں تک آئے

ذکر جب سرو کا ہو اس کے بدن تک پہنچے

میں نے ٹھانی ہے حفاظت میں کروں گی اس کی

ہو جو ہمت تو خزاں میرے چمن تک پہنچے

یہ بدن ڈھال بنا لوں گی ہوا کے آگے

گرم جھونکا جو کوئی میرے وطن تک پہنچے

اور بھی ہوں گے یہاں لاکھ سخن ور لیکن

کوئی تو ہو جو مری طرز سخن تک پہنچے

jo bhi haq par ho wahi dar-o-rasan tak pahunche

admi aj ka yun rasm-e-kuhan tak pahunche

bat ho gul ki jahan us ke labon tak ae

zikr jab sarw ka ho us ke badan tak pahunche

main ne thani hai hifazat mein karungi us ki

ho jo himmat to khizan mere chaman tak pahunche

ye badan dhal bana lungi hawa ke age

garm jhonka jo koi mere watan tak pahunche

aur bhi honge yahan lakh sukhan war lekin

koi to ho jo miri tarz-e-sukhan tak pahunche