جو سر پر ہے شجر میرا نہیں ہے

جو سر پر ہے شجر میرا نہیں ہے

مکیں ہوں اور گھر میرا نہیں ہے

کسی کا ہے مگر میرا بھی ہے وہ

جو میرا ہے مگر میرا نہیں ہے

مقرر جس طرف منزل ہے میری

اسی جانب سفر میرا نہیں ہے

ہوں لب بستہ کہ تو مجرم نہ ٹھہرے

میری جاں یہ مفر میرا نہیں ہے

پکاروں کیا اسے گر ہے وہ میرا

نہ لوٹے گا اگر میرا نہیں ہے

jo sar par hai shajar mera nahin hai

makin hun aur ghar mera nahin hai

kisi ka hai magar mera bhi hai wo

jo mera hai magar mera nahin hai

muqarrar jis taraf manzil hai meri

usi janib safar mera nahin hai

hun lab basta ke tu mujrim na thahre

meri jan ye mafar mera nahin hai

pukarun kya use gar hai wo mera

na lautega agar mera nahin hai