ٹوٹ کر عہد تمنا کی طرح

ٹوٹ کر عہد تمنا کی طرح

معتبر ہم رہے فردا کی طرح

شوق منزل تو بہت ہے لیکن

چلتے ہیں نقش کف پا کی طرح

جا ملیں گے کبھی گلزاروں سے

پھیلتے جائیں گے صحرا کی طرح

دیکھ کر حال پریشاں اپنا

ہم بھی ہنس لیتے ہیں دنیا کی طرح

کبھی پایاب کبھی طوفانی

ہم بھی ہیں دشت کے دریا کی طرح

محفل ناز میں رہئے لیکن

دیکھیے چشم تماشا کی طرح

اپنے دشمن سے ہوں واقف تابشؔ

کسی دیرینہ شناسا کی طرح

tut kar ahd-e-tamanna ki tarah

motabar ham rahe farda ki tarah

shauq manzil to bahut hai lekin

chalte hain naqsh-e-kaf-e-pa ki tarah

ja milenge kabhi gulzaron se

phailte jaenge sahra ki tarah

dekh kar hal-e-pareshan apna

ham bhi hans lete hain duniya ki tarah

kabhi payab kabhi tufani

ham bhi hain dasht ke dariya ki tarah

mahfil-e-naz mein rahiye lekin

dekhiye chashm-e-tamasha ki tarah

apne dushman se hun waqif tabish

kisi derina shanasa ki tarah