یوں نقاب رخ مقابل سے اٹھی

یوں نقاب رخ مقابل سے اٹھی

چشم صد نظارہ مشکل سے اٹھی

بازگشت شور غرقابی سہی

کوئی تو آواز ساحل سے اٹھی

قافلے ہیں کتنے درماندہ خرام

گرد راہوں سے نہ منزل سے اٹھی

تھام کر دل کیا اٹھے ارباب درد

اک قیامت تیری محفل سے اٹھی

سر سے بھی گزری ہے طوفاں کی طرح

جب بھی کوئی موج خوں دل سے اٹھی

چشم نظارہ سے مانند حجاب

تہمت نظارہ مشکل سے اٹھی

yun naqab-e-rukh muqabil se uthi

chashm-e-sad nazara mushkil se uthi

bazgasht shor gharqabi sahi

koi to awaz sahil se uthi

qafile hain kitne darmanda khiram

gard rahon se na manzil se uthi

tham kar dil kya uthe arbab-e-dard

ik qayamat teri mahfil se uthi

sar se bhi guzri hai tufan ki tarah

jab bhi koi mauj-e-khun dil se uthi

chashm-e-nazzara se manind-e-hijab

tohmat nazara mushkil se uthi