پابندیٔ حدود سے بیگانہ چاہئے

پابندیٔ حدود سے بیگانہ چاہئے

داماں بقدر وحشت‌ دیوانہ چاہئے

ہوتا ہے فاش گریۂ پیہم سے راز عشق

اے شمع راز داریٔ پروانہ چاہئے

ذوق عبودیت ہے تعین سے بے نیاز

ہم صورت جبیں در جانانہ چاہئے

بزم نیاز عشق میں ہوں آشنائے ہوش

بے پردہ آج پھر رخ جانانہ چاہئے

اے ذوق عجز جلوہ گہہ یار ہے قریب

پائے طلب میں لغزش مستانہ چاہئے

تابشؔ غم حیات ہی وجہ نشاط ہے

ہر ایک داغ صورت پیمانہ چاہئے

pabandi-e-hudud se begana chahiye

daman baqadr-e-wahshat diwana chahiye

hota hai fash girya-e-paiham se raz-e-ishq

ai shama raz dari-e-parwana chahiye

zauq-e-abudiyyat hai taayyun se be niyaz

ham surat-e-jabin dar janana chahiye

bazm-e-niyaz-e-ishq mein hun ashna-e-hosh

be parda aj phir rukh janana chahiye

ai zauq-e-ijz jalwa gah yar hai qarib

pae talab mein laghzish mastana chahiye

tabish gham-e-hayat hi wajh-e-nishat hai

har ek dagh surat paimana chahiye