سب نے مجھ ہی کو در بدر دیکھا

سب نے مجھ ہی کو در بدر دیکھا

بے گھری نے مرا ہی گھر دیکھا

بند آنکھوں سے دیکھ لی دنیا

ہم نے کیا کچھ نہ دیکھ کر دیکھا

کہیں موج نمو رکی تو نہیں

شاخ سے پھول توڑ کر دیکھا

خود بھی تصویر بن گئی نظریں

ایک صورت کو اس قدر دیکھا

ہم نے اس نے ہزار شیوہ کو

کتنی نظروں سے اک نظر دیکھا

اب نمو پائیں گے دلوں کے زخم

ہم نے اک پھول شاخ پر دیکھا

sab ne mujh hi ko dar badar dekha

be ghiri ne mira hi ghar dekha

band ankhon se dekh li duniya

ham ne kya kuchh na dekh kar dekha

kahin mauj-e-numu ruki to nahin

shakh se phul tor kar dekha

khud bhi taswir ban gai nazren

ek surat ko is qadar dekha

ham ne us ne hazar shewa ko

kitni nazron se ik nazar dekha

ab numu paenge dilon ke zakhm

ham ne ik phul shakh par dekha