حساب دوستاں در دل نہیں اب

حساب دوستاں در دل نہیں اب

پلٹنا باتوں سے مشکل نہیں اب

کیا کرتے تھے جو جاں بھی نچھاور

بھروسے کے بھی وہ قابل نہیں اب

سمندر کی حدیں بڑھنے لگی ہیں

نظر آتا کہیں ساحل نہیں اب

رہے تھے جو شریک غم شب و روز

خوشی دیکھی تو وہ شامل نہیں اب

قہر ڈھاتا رہا جو حسن جاناں

بہت افسوس وہ قاتل نہیں اب

برائی کرنا لا حاصل ہے لگتا

سنیں دو کان جو فاضل نہیں اب

بنیں بہتر بھی اب انسان کیسے

بنانے کو وہ آب و گل نہیں اب

بھلا طے بھی ہو یے رستہ تو کیسے

نگاہوں میں کوئی منزل نہیں اب

تساہل چھوڑیئے وقت عمل ہے

گزر پائے گی یوں کاہل نہیں اب

کریں کیا زندگی قربان اس پر

رہا جو زیست کا حاصل نہیں اب

hisab-e-dostan dar dil nahin ab

palatna baton se mushkil nahin ab

kiya karte the jo jan bhi nichhawar

bharose ke bhi wo qabil nahin ab

samundar ki haden barhne lagi hain

nazar ata kahin sahil nahin ab

rahe the jo sharik-e-gham shab-o-roz

khushi dekhi to wo shamil nahin ab

qahr dhata raha jo husn janan

bahut afsos wo qatil nahin ab

burai karna la hasil hai lagta

sunen do kan jo fazil nahin ab

banen behtar bhi ab insan kaise

banane ko wo ab-o-gul nahin ab

bhala tai bhi ho ye rasta to kaise

nigahon mein koi manzil nahin ab

tasahul chhoriye waqt-e-amal hai

guzar paegi yun kahil nahin ab

karen kya zindagi qurban us par

raha jo zist ka hasil nahin ab