مجھے اے زندگی آواز مت دے
Ozair Rahman (b. 1949)مجھے اے زندگی آواز مت دے
نہیں منزل کوئی پرواز مت دے
جئے جاتا ہوں عادت بن چکی ہے
نہیں سر لگتے یا رب ساز مت دے
نیا ہے روپ عالم کا خدایا
انوکھا اب مجھے انداز مت دے
نتیجہ جانتا ہوں دل لگی کا
سزائیں فاختہ کو باز مت دے
پس پردہ رہا ہے بھید اب تک
نہیں حامل انہیں تو راز مت دے
رہا انجام ہے جن کی نظر میں
انہیں جو چاہے دے آغاز مت دے
نبھایا فرض ہی کب حکمراں کا
کسی قاتل کو تو اعزاز مت دے
mujhe ai zindagi awaz mat de
nahin manzil koi parwaz mat de
jiye jata hun adat ban chuki hai
nahin sar lagte ya rab saz mat de
naya hai rup alam ka khudaya
anokha ab mujhe andaz mat de
natija janta hun dil lagi ka
sazaen fakhta ko baz mat de
pas parda raha hai bhed ab tak
nahin hamil unhen to raz mat de
raha anjam hai jin ki nazar mein
unhen jo chahe de aghaz mat de
nibhaya farz hi kab hukmaran ka
kisi qatil ko to ezaz mat de