حال دل وہ پوچھنے آنے لگے

حال دل وہ پوچھنے آنے لگے

مرنے والے زندگی پانے لگے

کوئی بتلائے ملے کیسے قرار

ہر طرف جب تم نظر آنے لگے

چھیڑا کیا افسانہ تم نے پیار کا

ہم بھی قصے کل کے دہرانے لگے

حسن کا چاہا رقیبوں سے بیاں

بولتے کیا خاک ہکلانے لگے

ہے مرض آنکھوں کو لاحق جانیے

جب برائی بس نظر آنے لگے

نیند پر بھی لگ گئیں پابندیاں

جب سے خوابوں میں حضور آنے لگے

راتیں تو ہو جاتی تھیں اکثر گراں

دن کے حصے میں بھی غم آنے لگے

عشق ہے جانم تجارت یہ نہیں

فائدے کا کیوں خیال آنے لگے

شاید ہو جائے فلک اب مہرباں

سوچ کر ہم دل کو بہلانے لگے

hal-e-dil wo puchhne ane lage

marne wale zindagi pane lage

koi batlae mile kaise qarar

har taraf jab tum nazar ane lage

chhera kya afsana tum ne pyar ka

ham bhi qisse kal ke dohrane lage

husn ka chaha raqibon se bayan

bolte kya khak haklane lage

hai maraz ankhon ko lahaq janiye

jab burai bas nazar ane lage

nind par bhi lag gain pabandiyan

jab se khwabon mein huzur ane lage

raten to ho jati thin aksar giran

din ke hisse mein bhi gham ane lage

ishq hai janam tijarat ye nahin

faide ka kyun khayal ane lage

shayad ho jae falak ab mehrban

soch kar ham dil ko bahlane lage