کچھ بھولی اور کچھ تیکھی آوازیں ہیں

کچھ بھولی اور کچھ تیکھی آوازیں ہیں

جیسے چہرے ہیں ویسی آوازیں ہیں

اک تطہیر سے عاری جسم کا پرسہ ہیں

خوف میں لپٹی جتنی بھی آوازیں ہیں

چاروں جانب گھور اندھیرا ہے جس میں

آٹھوں جانب سننے کی آوازیں ہیں

ایسا محو ہوں خاموشی کو سننے میں

مانو مجھ سے پہلے کی آوازیں ہیں

گھور رہا ہوں کانوں کی ویرانی کو

چیخ رہا ہوں کیا گونگی آوازیں ہیں

اتنی وحشت طاری ہوئی کہ بھول گئے

یہ تو اپنی امدادی آوازیں ہیں

چونک رہا ہوں میرے ویراں کمرے میں

کوئی نہیں ہے پھر کیسی آوازیں ہیں

آوازوں کا جمنا اس سے ثابت ہے

جیسے ہم خاموشی کی آوازیں ہیں

دوست ہمارے پاس اضافی کچھ بھی نہیں

مرتی سسکیاں ہیں دبتی آوازیں ہیں

kuchh bhuli aur kuchh tikhi awazen hain

jaise chehre hain waisi awazen hain

ik tathir se ari jism ka pursa hain

khauf mein lipti jitni bhi awazen hain

charon janib ghur andhera hai jis mein

athon janib sunne ki awazen hain

aisa mahw hun khamoshi ko sunne mein

mano mujh se pahle ki awazen hain

ghur raha hun kanon ki wirani ko

chikh raha hun kya gungi awazen hain

itni wahshat tari hui ke bhul gae

ye to apni imdadi awazen hain

chaunk raha hun mere wiran kamre mein

koi nahin hai phir kaisi awazen hain

awazon ka jamuna us se sabit hai

jaise ham khamoshi ki awazen hain

dost hamare pas izafi kuchh bhi nahin

marti siskiyan hain dabti awazen hain