نظر تو آیا مگر جا بجا نہیں آیا

نظر تو آیا مگر جا بجا نہیں آیا

زمیں پہ آدمی جیسا خدا نہیں آیا

بہاؤ لایا ہے اس کو کنارے کی جانب

وہ شخص میری طرف تیرتا نہیں آیا

اک اور بار بچھڑ کر نہ دیکھ لیں دونوں

یہ زخم اب بھی ہمیں ایک سا نہیں آیا

ہزار کوششیں کر لیں زمانے بھر نے مگر

مری نظر سے اسے دیکھنا نہیں آیا

ہمارا حق ہی نہیں ہے کہ اب دہائی دیں

گئے ہوؤں کو اگر روکنا نہیں آیا

برابری کا تصور نہیں ہماری طرف

ہمارے جیسا کوئی دوسرا نہیں آیا

nazar to aya magar ja baja nahin aya

zamin pe admi jaisa khuda nahin aya

bahao laya hai us ko kinare ki janib

wo shakhs meri taraf tairta nahin aya

ik aur bar bichhar kar na dekh len donon

ye zakhm ab bhi hamen ek sa nahin aya

hazar koshishen kar len zamane bhar ne magar

miri nazar se use dekhna nahin aya

hamara haq hi nahin hai ke ab duhai den

gae huon ko agar rokna nahin aya

barabari ka tasawwur nahin hamari taraf

hamare jaisa koi dusra nahin aya