Arooz is now on the App Store, for iPhone and iPad. Download →

All poetry

دل میں رہے وہ شخص رگوں میں رواں نہ ہو

Osama Khalid (b. 1998)

دل میں رہے وہ شخص رگوں میں رواں نہ ہو

میں چاہتا ہوں زخم جگر کا نشاں نہ ہو

دستک سنی تو روح کی چیخیں نکل گئیں

جیسے کوئی بدن میں جہاں تھا وہاں نہ ہو

اک عمر ہو کہ جس میں میسر ہوں سگرٹیں

اک دوستی ہو جس میں یہ سود و زیاں نہ ہو

اک خوش کلام پوچھے تمہیں چاہیے سکوں

اک خوش کلام پوچھے مگر مجھ سے ہاں نہ ہو

میں چاہتا ہوں ایک ہو بس ایک ہم سفر

ایسا جو میرے دل کی طرح بد زباں نہ ہو