درد تیرا تھا ترے یار سے لگ کر رویا

درد تیرا تھا ترے یار سے لگ کر رویا

یعنی بیمار تھا بیمار سے لگ کر رویا

سخت کہرام زدہ شخص تھا میرا ہمدرد

یوں لگا جیسے میں بازار سے لگ کر رویا

چار سو پھیل گیا زرد اداسی کا حصار

کوئی در سے کوئی دیوار سے لگ کر رویا

کس نے بھڑکائی مرے جسم میں تسلیم کی آگ

کون مجھ میں ترے انکار سے لگ کر رویا

نیند بے چین تھی بیمار کی آنکھوں کے لیے

خواب کا زخم عزادار سے لگ کر رویا

dard tera tha tire yar se lag kar roya

yaani bimar tha bimar se lag kar roya

sakht kohram zada shakhs tha mera hamdard

yun laga jaise main bazar se lag kar roya

char su phail gaya zard udasi ka hisar

koi dar se koi diwar se lag kar roya

kis ne bhirkai mire jism mein taslim ki ag

kaun mujh mein tire inkar se lag kar roya

nind be chain thi bimar ki ankhon ke liye

khwab ka zakhm azadar se lag kar roya