وقت کی زنبیل پلٹی اور اس تک جا گرا

وقت کی زنبیل پلٹی اور اس تک جا گرا

جسم کا کشکول جس نے بد دعا سے بھر دیا

آنگنوں تک آ گئی تھی روشنی تصویر کی

دھوپ کا پھیلا ہوا تھا شام جیسا ذائقہ

ماند پڑنے لگ گئی سارے چراغوں کی لپک

کس نے بجھتے سائے کو میری جگہ ہونے دیا

رائیگاں ہوتے ہوئے دن کو ملی رنگت کی رات

صبح روشن دان نے منظر کو گدلا کر دیا

پہلے میں اس عکس کی پہچان تک پہنچا فقط

اور پھر وہ آئنہ خانہ بھی مجھ میں ضم ہوا

waqt ki zambil palti aur us tak ja gira

jism ka kashkol jis ne bad dua se bhar diya

anganon tak a gai thi raushni taswir ki

dhup ka phaila hua tha sham jaisa zaiqa

mand parne lag gai sare charaghon ki lapak

kis ne bujhte sae ko meri jagah hone diya

raigan hote hue din ko mili rangat ki rat

subh-e-raushan dan ne manzar ko gadla kar diya

pahle main is aks ki pahchan tak pahuncha faqat

aur phir wo aina khana bhi mujh mein zam hua